Samstag, 5. Dezember 2009

Ne schöne Jrooß

Ahn su 'em Daach,
wo minge Kühlschrank jejähnt hätt,
ming Depris ahn mir klääfte, zähflüssig vollfett,
ming Breeftäsch leer woor un wo absolut nix ahnliejen dät,
wo ich zom zichste Mohl de Naas vun mir vollhatt,
trotzdämm für alles en Erklärung parat hatt,
noh drei, vier Bier schon ahn dämm Punkt wohr,
wo mir nix mieh jet mäht, daach ich:
Verdamp noch mohl, die Grübeltour bringk et nit,
die trick dich raff, die bringk dich runder wie sons nur jet,
die fuck dich aff bess zo dämm Punkt,
wo övverhaup nix mieh klapp.

Dann hängste nur noch römm un zweifels ahn dir
un wirfs dir alles, wat du finge kanns, vüür,
bess sujar neidisch op die Type, die du sons nur beduhrs.

Ref:
Ne schöne Jrooß ahn all die, die unfählbar sinn,
vun nix en Ahnung hann, die ävver, immerhin
su dunn als ob, weil op Fassade,
do stonnn se halt drop.

Dä Durchblickprofi uss dämm Bausparverein,
rundömjebräunt, met Frau un Pudel doheim;
met singer Einbaukösch, die rustikal ess,
ävver dennoch modern,
met singem Ralleystreifen Opel GT,
'ner Stehplatz-Mitte-Jahreskaat vum FC;
dä op Charles Bronson praatjemaate, akkurate Freizeit-Abziehbildheld,
dä Naach für Naach bess zom Projrammschluß em Sessel hängk,
dä veezehn Daach Benidorm paradiesisch fingk,
zwei Johr beim Bund wohr, weil ihm Männerkameradschaft jefällt.

Dä freut sich jetz ald op sing Zokunf als Rentner,
op dä Balkon met Liejestohl, denn do pennt er
bess 'e die Löffel affjitt, die 'e selvs ald lang nit mieh hätt.


Die ärm Säu hängen drin en Situatione,
die nur erklärbar sins durch Hirnamputatione,
die hann se noh und noh em Gleichschritt Richtung Schwachsinn jescheckt.
Oh, leeven Orwell, Vierunachtzich ess noh,
t'sinn sind mittlerweile nur noch vier läppsche Johr.
Et läuf su ähnlich aff, nur unauffällig un vill raffinierter jemaat.
Dä Trick, dä funktioniert janz zügig un reibungslos.
Etappenweise Entmündigung klappt famos.
Freiwillig enjemaat un stekum zum Verblöden gebraat.

Noch zo empfähle wöör dämm janze Komplott:
Schenkt jedem einzelne doch 'ne Aufblasbar-Gott
uss Venyl – abwaschbar, exakte Maße, verbrauchergerecht jefühlsecht!

BAP

Der Blick unter die Steine

HOC TIBI IPSI ESTO FIDELIS

kürzlich Erblicktes

(R)EVOLUTION 2012
[R]EVOLUTION 2012 part 1 *EDIT* Sucht einfach mal...
Steiny - 14. Okt, 22:04
Interview zur DIW-Studie
Auch in den öffentlich rechtlichen findet man...
Steiny - 16. Jun, 18:14
All along the watchtower
Ein Song der viele Interpretationen offen lässt...
Steiny - 13. Mrz, 23:06
Die Bandbreite
Eine Gruppe aus Duisburg die meiner Meinung nach den...
Steiny - 7. Mrz, 22:11
Fabian - gib mir die...
Steiny - 6. Mrz, 16:36
Wahrheit über Wirtschatskrise...
Steiny - 23. Feb, 18:19
Der Untergang der Republik
Schaut es euch wirklich an!! Auch wenn es sich um Amerika...
Steiny - 23. Feb, 01:03
Regierung will Ursachen...
Steiny - 22. Feb, 23:32

lumenis matris

CURRENT MOON

Quaerite, et invenietis

 

Sekundus Minutius Hora

Online seit 2815 Tagen
Zuletzt aktualisiert: 21. Okt, 15:38

gezählte Steinblicke

lex lapideum

wird wohl kaum jemand nochmal drucken wollen aber das Copyright aller Texte (wenn nicht anders vermerkt) liegt beim Verfasser - also mir "Steiny"

Archiv
Gefundenes
Jahresrad
kleingedrucktes
Liedertexte
Steingucker TV
umgedrehte Steine
Profil
Abmelden
Weblog abonnieren